Les mots surlignés font l'objet d'une note
1Monsieur, parce que de Lucques je vous fis une depesche par laquelle je vous
2donnois advis comme monseigneur de Nevers estoict acheminé pour sen retourner en
3France, et que son embarquement seroict le troiziesme de ce mois, de façon
4quil ce pourroict rendre environ le douziesme en ceste ville pour la diversité davis
5quil avoict que la coste estoict brute à cause des galiottes que lon disoict y
6avoir, chose que nous avons trouvé au contraire ; et ayant esté embarquez,
7nous avons estez poussez dung vant sy à propos que nous sommes venuz en
8six jours et quatre nuictz icy, quy est plus tost que nous nestimions.
9Et pour le plaisir que je massure que vous aurez de savoir des nouvelles
10de mondit seigneur, à ceste cause, je nay voullu faillir, soudein estre desembarqué,
11vous en faire entendre. Et actandant que jaye ce bien de vous voir, je
12finiray, apprès avoir supplyé le Createur quil vous doinct
13monsieur, en bien bonne sancté, très heureuse et longue vye. De Marceille, ce
14VIIe septambre 1571
15Votre très humble et bien hobeyssant
16à vous faire service
17A de maugiron